نشرت صفحة الحملة الوطنية للدفاع عن النادي الافريقي يوم امس الخميس ، تدوينة على موقع التواصل الاجتماعي فيسبوك ،
حذرت فيها لاعبي الفريق اللذين يتمتعون بأجور شهرية ومنح انتاج وفي مقابل ذلك لم يقدموا للحين أية إضافة للنادي بالرغم من الجهود الكبيرة التي تبذلها جماهير الإفريقي من أجل تجميع المبالغ المالية الهائلة لخلاص أجورهم.
واليكم فيما يلي نص التدوينة كاملا:
"فذكر ، لعل الذكرى تنفع المومنين ..
أي لاعب موجود في النادي الإفريقي، محسوب على الرصيد البشري و يتمتع بأجر شهري و منح إنتاج و ماهوش يلعب بالمزية.
فلان زوالي... فلان متربي... فلان بوه زوالي ... فلان رمز للوفاء ... مجاملات و أحاسيس و عواطف و غباء قاعد يتردد في محيط النادي
الإفريقي... كيما كل نهاية موسم .
بالارقام و الإحصائيات و الوقائع فما شكون 9 و 7
و 5 و ثلاثة و عامين في النادي الإفريقي : 0 هدف ... و 0 أسيست.
شطر الموسم يعديه مضروب أرقامو لكل ضعيفة وفي الاثناء السيد قاعد ياخذ من خزائن النادي الإفريقي الكثير و الكثير ... بالله عليكم هذا شنيا يتسمى ؟! في سابق السنوات كنا ملزومين...
توا لا قدر الله بش نقولو فساد و محسوبية إذا تم التجديد لناس قاعدين ياخذو من مقدرات النادي الإفريقي بدون اي فائدة فنية تذكر !!
العروض كيما الشتاء على جوارات باجة و المنستير ...
أي و لاعبي النادي الإفريقي ؟! وكلاء الاعبين و الكشّافة و الأندية لي يحبو ينتدبو ظالمينهم؟! لاعبين مستواهم متوسط يا جماهير النادي الإفريقي !!
البعض من جماهير النادي الإفريقي غلبتهم العاطفة و لابد من محاربة الغباء لأنو مضر بمصالح النادي الإفريقي .
النادي الإفريقي ماهيش جمعية خيرية تعطي في الهبات والتبرعات ... رمز الوفاء على العين والرأس ياقع تكريمك ويا ناس ما كان باس... فلان متربي ... أي يقعد ياخذ في أجر من النادي الإفريقي لأنو متربي و هو جوار متوسط ؟!
العركة هاذي عركة كل كلوبيست ... لازم تنظيفة كبيرة... أحنا الرصيد الرصيد البشري المتوفر حاليا ماخذيناش بيه الكأس و البطولة و بالتالي أي لاعب ينجم ياقع تعويضو حتى بلاعب من الشبان مع عدد محدد من الإنتدابات شوفوها النادي الإفريقي كيفاش بش تتحسن بإذن الله...
توضيح : كلامنا ماهوش على بعض الاعبين الكوادر اذوكم من تحصيل حاصل.. فما لاعبين أخرين عاملين عش عنكبوت في النادي الإفريقي و لازم نفض الغبار عليهم. اذوما اكلي عمرهم ما تجي فيهم عروض من بقية النوادي... أقوياء فقط في صفحات النادي الإفريقي و على الأنستغرام."
