نشر اللاعب السابق للنجم الرياضي الساحلي حمزة لحمر عبر حسابه الرسمي بموقع التواصل الاجتماعي فيسبوك تغريدة كشف فيها عن جملة من المظالم التي تعرض لها سابقا ، حيث قال:
"اخترت النجم على الوداد سنة 2019 و الكونتر مزال عندي"
"بعد خروج فوزي البنزرتي وقع تهميشي و هبطوني للأيكيب 2 و وقع استفزازي و اني ساكت"
"اغلبية الملاعبية كان يخلصوا و اني ديما يقلي اصبر"
"برشا ملاعبية شكات و كان شكايتي اني هبطت في الباج اوفسيال، باش تفهموا سوء النية"
"المسؤولين دوروا عليا ڨاريدو و قبل ما يخرج طلب مني السماح"
"مع لسعد الدريدي عديت موسم باهي و طلب مني تجديد العقد يخي مشيت للأدارة قالولي معانا منتفاهمو معاك و ما عندك ما تسالنا"
"بطلت الكرة و اني صغير في جرتهم و ما عادش عيني في شي"
"صحيح جمعيتي عندها مشاكل اما حتى اني عندي ديون لازم نخلصها ، مكانش منلقا حد"
"ان شاء الله تكونوا فهمتوني و ليلتكم زينة".
تغريدة لحمر اراد من خلاها ان يكشف عن جملة من الحقائق التي كانت مخفية على جماهير فريق جوهرة الساحل ، وبأنه يرفض تقسيط المبلغ الذي يريده من النجم والمقدر بحوالي 500 ألف دينار من المليمات التونسية.
وبهذا ، ستكون إدارة رئيس الفريق عثمان جنيح مطالبة بخلاص هذا المبلغ وذلك قبل موفى شهر جوان الجاري والا سيحرم النجم من المشاركة في كأس رابطة الأبطال الإفريقية الموسم المقبل.