وصل صباح هذا اليوم الجمعة 2022/12/02 وفد المنتخب التونسي الى مطار تونس قرطاج بعد انتهاء مشاركته في المونديال القطري و خروجه من الدور الاول بعد احتلاله للمركز الثالث برصيد 4 نقاط من تعادل و هزيمة و انتصار ،
هذا و قد صرح جلال القادري الناخب الوطني لنسور قرطاج حيث قال:
"المنتخب التونسي اليوم ينجم يكون فخور بالاطارات و الكفاءات التونسية الي موجودة و الي قمت بعمل كبير ياسر ، عدة لاعبين كان ينقصهم نسق المباريات.. استفدنا كثيرا من المعسكر الي قمنا بيه في السعودية ،
شفنا المنتخب التونسي يضاهي في اكبر منتخبات العالم في المونديال ، ظهرنا بوجه ممتاز جدا و لآخر لحظة بقينا نحاربوا بشرف على حظوظنا لكن للأسف المنتخب الدنماركي لم يتمكن من تعديل النتيجة امام استراليا"
كما اضاف القادري:
"يلزمنا نعاودوا نتفرجو في جميع المباريات الي لعبناهم الكل و نصلحوا من اخطائنا.. للاسف ما تأهلناش للدور الثاني ، لكن تبقى مشاركتنا في المونديال هذا هي الافضل بعد كأس العالم 1978 و هي ضمن افضل المشاركات خلال الخمس نسخ الاخيرة"
واختتم مدرب المنتخب التونسي تصريحه قائلا:
"بش تصير جلسة تقييمية مع المكتب الجامعي و رئيس الجامعة و ان شاء الله ناخذوا القرارات الي نراوها صالحة لمستقبل المنتخب و كرة القدم التونسية"